बज्जिका
भाषाके पक्षमे शनिवार होरहल गरुडामे भव्य कार्यक्रम
रौतहटके गरुडामे बज्जिका भाषा आ साहित्य सम्बन्धी
भव्य कार्यक्रम शनिवार होरहल हए । बज्जिका
साहित्य संगम रौतहटके आयोजनामे गरुडामे शनिवार दुपहरियामे एकबजे राष्ट्रिय सभाके माननीय
साँसद रामप्रित पासवानके प्रमुख आतिथ्यमे होरहल कार्यक्रममे अमेरिकी नागरिक विश्वराज
अधिकारीद्वारा लिखित बङमतीसे लमाहा गीत संग्रहके लोकार्पण होरहल हए । साथमे बज्जिका
भाषा आ साहित्यके क्षेत्रमे मुख्य आर्थिक योगदान देबेबाला गरुडा नगरपालिकाके उपमेयर
रंगीलादेवी जयसवालके सम्मानित करेके कार्यक्रम रहल हए । अइसही बज्जिका भाषामे राष्ट्रिय
सभामे शपथ लेबेबाला माननीय साँसद पासवानके संस्थाके ओरसे सम्मानित करेके कार्यक्रम
भी रहल हए । अइसही बज्जिकार्पण साहित्यिक पत्रिकामे बिगत दु सालमे प्रकाशित सम्पूर्ण
कवितामध्ये उत्कृष्ट दूजने कवि संजय महतो राज आ रेहान खानके पाँच हजार रुपैयाके नगद
पुरस्कारसे सम्मानित करेके कार्यक्रम भी रहल हए । बज्जिका साहित्य संगम रौतहटके तिसरका
वार्षिकोत्सवके उपलक्ष्यमे कार्यक्रम आयोजित होरहल संगमके अध्यक्ष श्याम सहनी चन्द्रांशु
जानकारी करएले छत । कार्यक्रमके रेडियो मधेस मसला एफएमद्वारा प्रत्यक्ष प्रसारण कएल
जाएके कार्यक्रम भी रहल आयोजक जनएले हए ।
चार
भारतीयसहित ६ जना हतियारसहित पक्राउ
रौतहट
प्रहरीले हतियार र म्याग्जिनसहित चार भारतीय र दुई नेपालीलाई पक्राउ गरेको छ । गएराति चाडपर्व सुरक्षा गस्ती टोलीले भारतको
सीमावर्ती क्षेत्रबाट राति एक बजे चार भारतीय र दुई नेपालीलाई मेड इन चाइना लेखेको
अटोमेटिक पेस्तोल तथा त्यसमा लाग्ने एकथान म्याग्जिनसहित पक्राउ गरेको हो । प्रहरी
नायब निरीक्षक कृष्णकुमार बस्नेतको नेतृत्वमा रहेको गस्ती टोलीले परोहा नगरपालिका ८
मोतिपुर नजिक दशगजा क्षेत्रमा गाँजा सेवन गर्दै बसेको अवस्थामा चारैतिरबाट घेरा हाली
सबैलाई पक्राउ गरेको हो । पक्राउ पर्नेमा भारत बिहार मोतिहारीको गोकुल ग्राम पञ्चायतका
२२ वर्षीय कमल साह, घोडासन श्रीपुरका ३२ वर्षीय राकेश पासवान, २८ वर्षीय सन्दीप पासवान
र २६ वर्षीय अवधेश चौरसिया तथा धनुषा जिल्लाको फुलबरिया गाउँपालिका १ का ३१ वर्षीय
रोहित साह र काभ्रेपलाञ्चोक जिल्ला टिमालका २५ वर्षीय मनोज तामाङ रहेका छन् । घटनास्थलबाट
तीन थान मोटरसाइकल पनि प्रहरीले बरामद गरेको छ । यसैबीच शुक्रबार बिहान ४ बजेतिर नेपालबाट
भारततर्फ बीआर १ यू २७५७ नम्बरको सेन्ट्रो कारमा लैजाँदै गरेको अवस्थामा रौतहट प्रहरीले
करिब ५ लाख मूल्य बराबरको ४९ कार्टुन मदिरा बरामद गरेको जिल्ला प्रहरी कार्यालय रौतहटका
प्रमुख एसपि केदार ढकालले जानकारी गराएका छन् ।
गढीमाई
नगरपालिकाके मेयर दुर्गा पूजाके मूल जगी अपने बनल छत वरियारपुरमे
रौतहटके
गढीमाई नगरपालिकाके मेयर श्यामप्रसाद यादव दुर्गा पूजाके मूल जगी अपने बनल छत । गढीमाई
नगरपालिकाके वरियारपुर बजारपर दुर्गा पूजा एवं मेलाके मूल जगीके रुपमे मेयर यादव अपने
यज्ञपर बैठल छत । दिनभर फलफूलके सेवन मात्रे करेके आ आचार्य लोगद्वारा विधिवत सबेरे
आ साँझमे पूजा होएलापर अपने मूल जगीके रुपमे बैठके पूजा करारहल छत । सबेरे आ साँझमे
पूजा तथा आरतीके समय आसपासके विभिन्न गाँओके सैकडो महिला, पुरुष तथा बालबालिका सहभागी
होरहल हए । मेयर यादव अपने मूल जगी बैठलासे पूजामे सहभागी होएबाला सर्वसाधारणको संख्यामे
वृद्धि भेल हए ।
रौतहटमे
४५ स्थानपर होरहल हए दुर्गापूजा तथा मेला
दशैँके
अवसरपर मधेसी हिन्दू समुदायमे होएबाला सार्वजनिक दुर्गापूजा तथा मेला जिलाभरमे ४५ स्थानपर
होरहल देखलगेल हए । जिलाके १८ स्थानीय तहमे मिलाके ४५ स्थानपर पूजापाठ तथा मेलाके आयोजन
होरहल हए । सभी पूजा तथा मेलामे सुरक्षा व्यवस्था उच्च ढंगसे मिलाबलगेल जिला प्रहरी
कार्यालय रौतहटके प्रवक्ता डिएसपि महेन्द्र प्रसाद मरासिनी जानकारी करएले छत ।
उचिडिह
टोलामे गठन भेल हए महादेवस्थल बचाऊ संघर्ष समिति
रौतहटके
देवाही गोनाही नगरपालिकाके वार्ड नम्बर ७ उचिडिह टोलामे महादेवस्थल बचाऊ संघर्ष समिति
गठन कएलगेल हए । स्थानीय शम्भु महतोके अध्यक्षतामे भेल स्थानीयबासीके भेलासे वीरबल
प्रसाद कुशवाहाके अध्यक्षतामे २१ सदस्यीय संघर्ष समिति गठन कएलगेल हए । समितिमे गोबर्धन
महतो कोइरी उपाध्यक्ष, जयनारायण प्रसाद कुशवाहा सचिव, साहेबप्रसाद कुशवाहा सहसचिव,
भरत महतो कोइरी कोषाध्यक्ष रहल छत । समितिमे
रामलखन महतो, छविलाल महतो, निवेश प्रसाद कुशवाहा, सविन्द्र प्रसाद कुशवाहा, विनोद प्रसाद
कुशवाहा, बाबुलाल महतो, रुपेश पटेल, गोबरी बौ लगायतके लोग सदस्य रहल हए ।
लैंगिक
हिँसाके विरोधमे गरुडामे कएलगेल हए रैली प्रदर्शन
रौतहटके
गरुडामे लैँगिक हिँसा, जबरदस्तीकरणी, मानव बेचबिखन तथा ओसारपसार विरुद्ध एक दिवसीय
सचेतनामूलक कार्यक्रम सम्पन्न भेल हए । जिला प्रहरी कार्यालय महिला तथा बालबालिका सेवा
केन्द्र कार्यालय गरुडाके आयोजना आ गरुडा नगरपालिकाके सहयोगमे कार्यक्रम संचालन कएलगेल
हए । इलाका प्रहरी कार्यालय गरुडासे सुरु भेल जनचेतना मूलक रैली मुख्य बजार होइत गरुडाके
विभिन्न रास्ता होके फेर इलाका प्रहरी कार्यालय गरुडामे पुगके कोणसभामे परिणत भेल रहे
। रैलीमे गरुडा नगर उद्योग वाणिज्य संघके अध्यक्ष हरेन्द्रप्रसाद चौधरी, रेडियो मधेस
मसला एफएमके स्टेशन मैनेजर मनोजकुमार चौधरी, सामुदायिक प्रहरी सेवा केन्द्र गरुडाके
अध्यक्ष पुरुषोत्तम मिश्र, इलाका प्रहरी कार्यालय गरुडाके इन्स्पेक्टर चतुर्भुज ओझा,
विभिन्न संघसंस्थाके प्रतिनिधि, विद्यालयके बालबालिका लगायतके सहभागिता रहल हए । कोणसभामे
जनसेवा नेपालके कार्यक्रम संयोजक भाग्यनारायण महतो, महिला सञ्जालके कोषाध्यक्ष संजु
बैठा, गरुडा नगरपालिकाके मेयर इन्नु राय यादव, इलाका प्रहरी कार्यालय गरुडाके इन्स्पेक्टर
चतुर्भुज ओझालगायतके लोग मन्तव्य व्यक्त करइत बाल बिवाह, बहुविवाह, जबरदस्तीकरणी, घरेलु
हिँसा, दहेज लगायतके सामाजिक विकृति हटाबेके लेल सभीसे आग्रह कएले छत । लैँगिक हिँसासम्बन्धी
कौनो घटना होएलाके बाद नगरपालिकासे होएबाला सभी किसिमके सहयोगके लेल अपने हरदम तैयार
रहल मेयर यादव जानकारी भी करएले छत ।
गरुडामे
संचालनमे आएल सुविधा सम्पन्न आँख उपचार केन्द्र
रौतहटके
गरुडामे आँखके रोगसम्बन्धी इलाजके लेल सुविधा सम्पन्न केन्द्र स्थापना भेल हए । गरुडाके
क्याम्पस रोडमे प्रकाशजीत आइ केयर एन्ड अप्टिकल आँख उपचार केन्द्रके एक समारोहबीच उदघाटन
कएलगेल हए । नेपाल आर्य समाजके आचार्य सदानन्द शास्त्री केन्द्रके उदघाटन करइत केन्द्रद्वारा
सर्वसाधारणके आँखके समस्या समाधान करइत सेवा करेमे महत्वपूर्ण भूमिका खेलेके बतएले
छत । कार्यक्रममे गरुडा नगरपालिकाके मेयर इन्नु राय यादव, उपमेयर रंगीलादेवी जयसवाल,
संघीय समाजवादी फोरम नेपालके मधेस प्रदेश सदस्य वृजकिशोर यादव लगायतके लोगके उपस्थिति
रहल रहे । केन्द्रमे आँखके इलाजमे डिजिटल प्रविधिके प्रयोगसे होएके संचालक डा. संजयकुमार
साह जानकारी करएले छत ।
बितल
आर्थिक वर्षमे गढीमाई नगरपालिकाके धार्मिक कार्यमे भेल हए पचास लाख खर्च
रौतहटके
गढीमाई नगरपालिकामे वितल आर्थिक वर्षमे करिब पचास लाख रुपैया धार्मिक कार्यमे खर्च
भेल हए । नगरपालिकाके सभी वार्डमे धार्मिक कार्यमे करिब पचास लाख रुपैया खर्च भेल हए
। विभिन्न वार्डमे मन्दिरके निर्माण, मन्दिरके पुनरोद्धार, विभिन्न यज्ञमे आर्थिक सहयोग,
मस्जिदमे सहयोग, इद तथा कुर्बानीमे सहयोग समेत मिलाके सभी किसिमके धार्मिक कार्यमे
नगरपालिकाके करिब पचास लाख रुपैया खर्च भेल गढीमाई नगरपालिकाके मेयर श्यामप्रसाद यादव
जानकारी करएले छत ।
वृन्दावनमे
दशैँ फुटबल प्रतियोगिता भेल हए सुरु
रौतहटके
वृन्दावन नगरपालिकाके वडा नम्बर १ के आयोजनामे फुटबल प्रतियोगिता सुरु भेल हए । रौतहट
क्षेत्र नम्बर ४ के प्रतिनिधिसभा सदस्य देवप्रसाद तिमल्सिना एक समारोहबीच फुटबलके उदघाटन
करइत खेलकुदके विकासमे युवाके योगदानसे देशके पहचान बनेके बतएले छत । कार्यक्रममे पूर्व
माननीय देवेन्द्र पटेल, प्रभु राउत पटेल लगायतके लोग मन्तव्य व्यक्त करइत खेलकुदके
विकासके लेल युवाके सक्रियता अनिवार्य रहल आ युवाके सक्रियतासे ही देशके विकास सम्भव
होएके बतएले छत । प्रतियोगितामे २४ टिम सहभागी रहल हए । स्थानीय ब्राइट स्टार युवा
क्लबके व्यवस्थापनमे होरहल फुटबल प्रतियोगिताके पहिल दिनके खेल शिवशंकर युवा क्लब रंगपुर
आ चारकुने युवा क्लब अल्टोकीबीच सम्पन्न भेल हए । निर्धारित समयमे दुनु टिम बराबरीपर
पहुँचलाके कारण पेनाल्टीसे खेलके निर्णय कएलगेल हए । पेनाल्टीसे ३ के विरुद्ध ४ गोलसे
रंगपुर विजयी भेल खबर प्राप्त भेल हए ।
पर्साके
वीरगंजमे मिलल हए एकजने अपरिचितके लास
पर्सा
जिलाके वीरगंजमे एकजने अपरिचितके लास प्राप्त भेल हए । पर्साके वीरगंज महानगरपालिका
वार्ड नम्बर १६ इनर्वामे एकजने पुरुषके लास मिलल हए । इनर्वामे रहल वैष्णवी सिनेमा
हलके कोठलीमे नाम, थर, वतन कुछो नखुलल करिब साठ बरिसके एकजने पुरुषके लास मिलल हए ।
घटनाके सम्बन्धमे पर्सा पुलिस आवश्यक अनुसन्धान कररहल खबर प्राप्त भेल हए ।
बारामे
एकजने दलितके डुबके भेल हए मृत्यु
बारामे
एकजने दलितके डुबके मृत्यु भेल हए । बाराके फेटा गाँओपालिका वार्ड नम्बर ३ के रहनिहार
४० बरिसके लकिचन रामके शुक्रबार डुबके मृत्यु भेल हए । नजदिके रहल पोखरीमे मछरी मारेके
क्रममे रामके डुबके मृत्यु भेल हए । घटनाके सम्बन्धमे पुलिस आवश्यक अनुसन्धान कररहल
खबर हए ।
कोई टिप्पणी नहीं:
एक टिप्पणी भेजें