मिति २०७५/०४/२६
कृष्णाष्टमी
मेलाके लेल गरुडामे समितिके भेल हए चयन
गरुडा
नगरपालिकाके गरुडामे हर साल कृष्ण जन्माष्टमी धुमधामके साथ मनाबते आरहल हए । एही क्रममे
एई साल भी जन्माष्टमी भव्यतापूर्वक मनाबेला सतीस साहके अध्यक्षतामे कृष्ण जन्माष्टमी
समारोह समिति गठन कएलगेल हए । समितिके कोषाध्यक्षमे मनोजकुमार चौधरी, सचिवमे राम सोगारथ
राउत आ सदस्यमे राजेश्वर पाण्डे, विनोद राय यादव, राम विश्वास पासवान, मोहरलाल पटेल,
पंकज जयसवाल, श्री राम पासवान, अनिल साह, सरयुज साह चुनाएल छत । पर्हु दाहरके कारण
जन्माष्टमी प्रभावित भेल रहे । पर्हु जन्माष्टमीके लेल एक लाख १४ हजार रुपैया संकलन
भेल रहे लेकिन पूरा खर्च नहोएसकल रहे । भगवान श्रीकृष्णके छठियारके दिनमे कार्यक्रम
कएलगेल रहे । कार्यक्रम कएलाके बाद ६३ हजार ८१४ रुपैया बाकी रहल हए । एई साल मेलामे
करिब डेढ लाख रुपैया खर्च होएके अनुमान रहल कोषाध्यक्ष मनोजकुमार चौधरी जानकारी करएले
छत ।
मिति २०७५/०४/२६
इलाका
प्रहरी कार्यालय पिपराके सइ शर्माके कएलगेल हए विरोध
इलाका
प्रहरी कार्यालय गंगापिपराके सई रामप्रित शर्माके विरोध कएलगेल हए । स्थानीयबासी सइ
शर्माके विरोध टायर बारके कएले हए । शर्मा अत्यधिक ज्यादति कररहल कहइत स्थानीयबासी
सरुवाके माग करइत विरोध प्रदर्शन कएले पत्रकार प्रभातकुमार झा जानकारी करएले छत ।
मिति २०७५/०४/२६
गौरके
पुरेनवामे एगो युवकके भेल हए मृत्यु
गौरके
पुरेनवामे पोखरीमे डुबके एगो युवकके मृत्यु भेल हए । गौर नगरपालिकाके वार्ड नम्बर ३
मे रहल पोखरीमे स्थानीय पुरेनवा निवासी मिश्रीलाल महतोके २४ बरिसके बेटा जितेन्द्र
महतोके डुबके मृत्यु भेल हए । पोखरीके आँटपर रहल रास्ता होके चलइत अवस्थामे अचानक पयर
पिछिलके पोखरीमे गिरल आ पोखरीमे गिरलासे डुबके बेपत्ता होएलासे खोजतलास कके युवकके
निकालल गेल हए । जिला प्रहरी कार्यालय रौतहटके प्रहरी निरीक्षक मनोजकुमार यादवके कमान्डमे
गेल पुलिसके एगो टोली पोखरीमे पइँसके युवकके निकालले हए । युवकके बेहोस अवस्थामे निकालके
जिला अस्पताल गौरमे पुगएलापर अस्पतालके डाक्टर युवकके मृत घोषित कएले रहे । घटनाके
विषयमे रौतहट पुलिस थप अनुसन्धान कररहल जिला प्रहरी कार्यालय रौतहट जानकारी करएले हए
।
मिति २०७५/०४/२६
फारम
भरले जिलासे दोसरा जिलामे शिक्षकके परीक्षा संचालन करेके होरहल हए तैयारी
परीक्षाके
मर्यादित आ विश्वसनीय बनाबेला कहइत शिक्षक सेवा आयोग एक जिलाके परीक्षार्थीके दोसरा
जिलासे परीक्षा देबाबेके तैयारी कररहल हए । आगामी आसिनमे होएबाला स्थायी शिक्षकके खुला
विज्ञापनके परीक्षाके लेल फारम भरले जिलासे दोसरा जिलासे परीक्षा देबाबेके तैयारी होरहल
हए । परीक्षाके शुद्धताके ध्यान देइत नजदिकके जिलासे परीक्षा देबाबेला परीक्षा केन्द्र
निर्धारणके आन्तरिक तैयारी सुरु कएले आयोगके अध्यक्ष ताना गौतम जानकारी करएले छत ।
परीक्षाके शुद्धताउपर ध्यान देइत नजदिकके जिलासे परीक्षा देबाबेके आन्तरिक तयारी होरहल
हए । जौना जिलामे फारम भरले हए, ओही जिलामे केन्द्र रहलापर ओही जिलाके केन्द्राध्यक्ष,
ओही जिलाके सहायक केन्द्राध्यक्ष, ओही जिलाके निरक्षक आ ओही जिलाके परीक्षार्थी होएलासे
परीक्षार्थीके परीक्षामे खटल जनशक्तिसे चिनजानके होएके आ चोरी होएके सम्भावना रहलाके
कारण परीक्षाके शुद्धताके चलते पहिल चरणमे प्राथमिक तहके परीक्षार्थीके संख्याके आधारपर
केन्द्र निर्धारण करेके गृहकार्य चलरहल हए । परीक्षार्थीके पायक परेबाला जिलामे ही
केन्द्र निर्धारण करेके आयोग जनएले हए । फारम भरेके समय परीक्षार्थीके सम्बन्धित जिलासे
ही फारम भरेके व्यवस्था कएलगेल रहे लेकिन परीक्षाके फारम भरनाइ आ परीक्षाके मर्यादा
कायम कके सम्पन्न करनाइ फरक बात होएलासे होम सेन्टर नरहेबाला हिसाबसे काम अगाडि बढल
भी आयोग जनएले हए । निम्न माध्यमिक आ माध्यमिक तहके परीक्षा क्षेत्रीयस्तरमे होएबाला
होएलासे एई दुनुके व्यवस्थित करेके गृहकार्य भी होरहल हए । १२ हजार ७ सय ३९ पदके लेल
भेल विज्ञापनपर २ लाख ८२ हजारलोग शिक्षक बनेला दरखास्त देले आयोगके प्रारम्भिक तथ्यांक
रहल हए । सभीके परीक्षा संचालन करेला करिब एक हजार परीक्षा केन्द्रके जरुरत परेके देखलगेल
हए ।
मिति २०७५/०४/२६
बसमे
यात्रा करइत अवस्थामे ही मृत्यु भेल एगो भारतीय युवकके
बसमे
यात्रा कररहल अवस्थामे ही एगो भारतीय युवकके मृत्यु भेल हए । काठमान्डुसे वीरगंजके
ओर आरहल एगो बसमे अपना सिटपर बैठल युवकके मृत्यु भेल हए । वीरगंज महानगरपालिका वार्ड
नम्बर १६ रजत जयन्ती चौकपर काठमान्डुसे वीरगंज आरहल ना ५ ख ३१६६ नम्बरके बसमे सबार
भारत घर भेल एगो २९ बरिसके युवक सुरेन्द्र ठाकुर अपना सिटपर बैठल अवस्थामे ही मृत अवस्थामे
मिलल हए । यात्रा कररहल अवस्थामे अपना सिटपर ही मृत अवस्था युवक मिलनाइ एगो रहस्यमय
घटनाके रुपमे रहल हए । घटनाके विषयमे पर्सा पुलिस अनुसन्धान कररहल हए ।
कोई टिप्पणी नहीं:
एक टिप्पणी भेजें