पूर्व
मन्त्री प्रभु साह एके दिनमे दुगो इलाका प्रहरी कार्यालयके कएले छत उदघाटन
पूर्व
मन्त्री एवं रौतहट क्षेत्र नम्बर ३ के साँसद प्रभु साह एके दिन दुगो नयाँ इलाका प्रहरी
कार्यालयके उदघाटन कएले छत । रौतहटके देवाही गोनाही नगरपालिकाके गोनाही बजारपर आ मौलापुर
नगरपालिकाके मौलापुर बजारपर पूर्वमन्त्री साह क वर्गके इलाका प्रहरी कार्यालयके स्थापनाके
साथे उदघाटन कएले छत । पूर्वमन्त्री साहके पहलमे गोनाही बजारपर आ मौलापुर बजारपर इन्स्पेक्टरके
दरबन्दी रहल इलाका प्रहरी कार्यालय स्थापना भेल हए । गोनाही बजारपर आजेसे कार्यालय
संचालन भेल हए । पहिलेसे अस्थायी प्रहरी चौकी रहल मौलापुरमे आजसे ही इलाका प्रहरी कार्यालय
संचालनमे आएल हए । इलाका प्रहरी कार्यालयके उदघाटन करइत एही आर्थिक वर्षमे मौलापुर
बजारपर इलाका प्रशासन कार्यालय आ विद्युत कार्यालयके स्थापना होके संचालनमे आबेके स्पष्ट
कएले छत । रौतहटके प्रतिव्यक्ति आय बहुत कम रहल अवस्थामे जिलाके स्थानीयबासीके आयस्तर
वृद्धिके लेल काम करनाइ जरुरी रहल स्पष्ट कएले छत । कार्यक्रमके सम्बोधन करइत प्रदेश
सभा सदस्य कुन्दन कुशवाहा जनताके सेवा करेला जनप्रतिनिधि हरदम लागल रहलासे विकास तथा
निर्माणके कामके सभीके सहयोग करेला आग्रह कएले छत । कार्यक्रममे प्रमुख जिला अधिकारी,
जिला प्रहरी कार्यालय रौतहट प्रमुख, विभिन्न कार्यालयके कार्यालय प्रमुख तथा सर्वसाधारणके
सहभागिता रहल रहे । इलाका प्रहरी कार्यालयके स्थापना होएलासे स्थानीयबासी खुसी भेल
हए ।
सावन
बडा पावन बज्जिका भक्ति गीतके भेल हए लोकार्पण
सावन
बडा पावन बज्जिका भक्ति गीतके लोकार्पण कएलगेल हए । रविन्द्र पटेलके शब्द तथा स्वरमे
बनल सावन बडा पावन शिव भक्ति गीतके रेडियो मधेस मसला एफएमके स्टेशन मैनेजर मनोजकुमार
चौधरी, बज्जिका साहित्यकार सञ्जय मित्र आ बज्जिका साहित्य संगम रौतहटके अध्यक्ष श्याम
सहनी चन्द्रांशु संयुक्त रुपसे विमोचन कएले छत । मनोज कुमार चौधरी आ वृज किशोर यादव
निर्माता रहल एलबमके राजेश्वर पाण्डे निर्देशन कएले हए । मनोज यादव, देव चौधरी, गोविन्द
सहनी, आशनारायण यादव, शिवानीके विशेष सहयोग रहल एलबमके मनोज यादव, श्याम पटेल आ राजेश
पटेल बजार व्यवस्थापन कएले हए । सावन महिनाके पहिल सोमारीके विशेष अवसरपर लोकार्पित
एलबमके विभिन्न रेडियोमे आजेसे प्रसारण सुरु भेल हए । गीतसे गायक पटेलके लोकप्रियताके
अपेक्षा रहल हए । रेडियोमे एंकरिङ करते आएल पटेलके एसे पहिले दुर्गा भक्ति गीत सार्वजनिक
होके चर्चामे आएल रहे ।
शिवनगरमे
विशेष श्रावणी मेल भेल हए सुरु
रौतहटके
सबसे लमहर धार्मिक स्थल शिवनगरमे श्रावणी मेला सुरु भेल हए । गरुडा नगरपालिकाके वार्ड
नम्बर ५ मे रहल शिवनगरमे पहिल सोमारीके दिन अपार भीड देखलगेल हए । सबेरे मेघ बरसइत
रहलापर भी महिला तथा पुरुषके साथे बोलबमके हजारोके संख्यामे उपस्थिति रहल रहे । दिनभर
शिवनगरमे नरनारीके आवाजाही बनल रहे । साँझतक भी महिला तथा पुरुष लोग शिवनगरमे महादेवके
दर्शन करेके क्रम जारी हए । शिवनगरमे सर्लाही, बारासे लेके भारतके विभिन्न जिलाके साथे
रौतहटके विभिन्न भागसे दर्शनार्थी श्रद्धालु लोग पुगल हए । दिनभरमे पचीस हजारसे बेसी
लोग दर्शन करे आएल पहिल अनुमान कएलगेल हए । शिवनगरमे एगो समूहद्वारा भक्ति सांस्कृतिक
कार्यक्रमके आयोजना कएलगेल रहे । कार्यक्रममे विभिन्न कलाकारद्वारा बज्जिका, मैथिली
आ भोजपुरीमे शिवके भजन प्रस्तुत कएलगेल रहे ।
अस्थायी
शिक्षकके परीक्षाके दसैँसे पहिले रिजल्ट आबेके हए सम्भावना
शिक्षक
सेवा आयोग दसैँसे पहिले ही अस्थायी शिक्षकके स्थायी करेला लेले परीक्षाके रिजल्ट निकालेके
सम्भावना बढल हए । माध्यमिक, निम्न माध्यमिक आ प्राथमिक तहके मिलाके नौगो समूहमे पाँचो
विकास क्षेत्रसे लेले परीक्षाके रिजल्ट दसैँसे पहिले आबेके सम्भावना बढल हए । बितल
असार २९ आ ३० गते भेल अस्थायी शिक्षकके परीक्षामे प्राथमिक तहमे आवश्यकतासे ८४२ जने
कम परीक्षार्थी प्रतिस्पर्धा कएले हए । प्राविके लेल आवश्यक १६ हजार ५३२ पदके लेल १५
हजार ६९० जने शिक्षक मात्रे परीक्षामे सहभागी भेल हए । कुल २२ हजार ७६ पदके लेल भेल
परीक्षामे तिनु तहके समग्रमे सहभागी होएबाला परीक्षार्थीके संख्या सभी सिटसे १५९ बेसी
परीक्षार्थी रहल हए । परीक्षामे कुल २२ हजार २३५ जने शिक्षक सहभागी भेल अध्यक्ष ताना
गौतम जानकारी करएले छत । निमाविके लेल आवश्यक ३ हजार २३४ पदके लेल ३ हजार ५७५ जने प्रतिस्पर्धा
कररहल हए । अइसही २ हजार ३१० पद रहल मावि तहमे २ हजार १७० जने शिक्षक सहभागी भेल हए
। माविमे भी सिटसे कम शिक्षक परीक्षामे सहभागी भेल हए । तिनु तह मिलाके २३ हजार २८६
जने शिक्षकके निवेदन परल रहे । आवश्यक मध्ये कम पदमे प्रतिस्पर्धा होके बाँकी रहल पद
खुलामे जाएबाला हए । अभी खुलल विज्ञापनके परीक्षा सुधलाके बाद आयोगसे एही सालके अन्त्यतक
नयाँ विज्ञापन होएके शिक्षक सेवा आयोगके अध्यक्ष ताना गौतमके कहनाम रहल एडुखबरपर खबर
प्रकाशित भेल हए ।
कोई टिप्पणी नहीं:
एक टिप्पणी भेजें