रौतहटके
नयाँ एसपि गरुडामे कएले छत अन्तरक्रिया कार्यक्रम
नेपाल
प्रहरीके रौतहट प्रमुख एसपि केदार ढकाल इलाका प्रहरी कार्यालय गरुडामे अन्तरक्रिया
कएले छत । इलाका प्रहरी कार्यालय गरुडाके प्रहरी निरीक्षक चतुर्भुज ओझा आ ट्राफिक प्रहरीके
इन्स्पेक्टर समेतके राखके कएलगेल अन्तरक्रियामे गरुडा नगर क्षेत्रभित्रके विभिन्न क्षेत्रके
प्रतिष्ठित लोगके सहभागिता रहल रहे । अपराध अनुसन्धानमे समाजके अगुवा लोगके बहुत सकारात्मक
सहयोग रहल कहइत एसपि ढकाल सर्वसाधारणके चाहना बमोजिम सुरक्षा देबेला नेपाल प्रहरी हरदम
तैयार रहल जानकारी करएले छत । स्थानीयबासीद्वारा गरुडाके शान्ति सुरक्षाके विषयमे विभिन्न
कोणसे प्रकाश पारइत नेपाल पुलिसके सक्रियताके लेल आग्रह कएले हए ।
रौतहट
पुलिस तीनगो भठी कएले हए नष्ट
रौतहट
पुलिस तीनगो भठी नष्ट कएले हए । रौतहटके चन्द्रपुर नगरपालिका वार्ड नम्बर ८ मातीपुरमे
अवैध रुपसे संचालनमे रहल मदिरा भठीके रौतहट पुलिस नष्ट कएले हए । मदिरा भठी नष्ट करेके
साथे करिब ६५० लिटर कच्चा पदार्थ भी नष्ट कएले जिला प्रहरी कार्यालय रौतहट नष्ट कएले
हए ।
रौतहट
पुलिस करिब साढे बारह किलो गाँजा कएले हए बरामद
रौतहट
पुलिस करिब साढे बारह किलो गाँजा बरामद करेमे सफल भेल हए । रौतहटके परोहा नगरपालिका
वार्ड नम्बर ७ नगरकटियामे रहल बसिर चौकपर गस्तीमे रहल नेपाल पुलिसके टोलीके देखके मोटरसाइकिलपर
सबार दूजने भागल रहे । नेपालसे भारतके ओर जारहल बीआ ०६ जे ४११२ नम्बरके मोटरसाइकिलपर
सबार रहल दुनुजने भागेमे सफल भेल लेकिन मोटरसाइकिलसहित झोरा लेजाए नसकल हए । मोटरसाइकिल
आ झोरा गस्तीके पुलिस अपना नियन्त्रणमे लेके झोराके चेक कएलापर करिब साढे बारह किलो
अवैध गाँजा बरामद भेल हए । लागू औषध गाँजा आ मोटरसाइकिल प्रहरी चौकी नरकटियाके नियन्त्रणमे
रहल हए । मोटरसाइकिल केकर हए आ गाँजा कहाँसे आएल तथा फरार दुनुजने के रहल हए, एकरा
विषयमे रौतहट पुलिस अनुसन्धान कररहल जिला प्रहरी कार्यालय रौतहट जनएले हए ।
मोटरसाइकिल
दुर्घटनामे दूजने युवक भेल हए घाएल
रौतहटके
सदरमुकाम गौर जाएबाला सहायक राजमार्गमे एगो मोटरसाइकिल दुर्घटनामे दूजने घाएल भेल हए
। यमुनामाई गाँओपालिकाके वार्ड नम्बर ३ भेडियाहीमे रहल सहायक राजमार्गपर सुकदेव चौकसे
हजमिनियाके ओर जाएके क्रममे रहल बीआर ३० जे ३८१८ नम्बरके मोटरसाइकिल अपनेआप अनियन्त्रित
होके उलिटलापर मोटरसाइकिलपर रहल दुनुजने युवक घाएल भेल हए । मोटरसाइकिल चलारहल यमुनामाई
गाँओपालिका वार्ड नम्बर ३ के रहनिहार अमरुल अन्सारीके करिब १९ बरिसके बेटा लाल महमद
अन्सारी आ मोटरसाइकिलके पछाडि बैठल गुजरा नगरपालिका वार्ड नम्बर ९ के रहनिहार दाउद
अन्सारीके करिब १९ बरिसके बेटा जबिर अन्सारी घाएल भेल हए । घाएल दुनु युवकके सुकदेव
चौकपर रहल एगो अस्पतालमे इलाज चलरहल हए । दुनुजनेके मुडी, चेहरा, पैरमे चोट लागल हए
। दुनुजनेके अवस्था सामान्य रहल आ मोटरसाइकिल प्रहरी चौकी सुकदेव चौकके नियन्त्रणमे
रहल जिला प्रहरी कार्यालय रौतहट जनएले हए ।
मोटरसाइकिलसे
जिंगडियामे बालकके ठोकर देलापर एगो बालकके अवस्था हए गम्भीर
मोटरसाइकिलसे
बालकके ठोकर देलापर एगो बालक गम्भीर घाएल भेल हए । रौतहटके गरुडा नगरपालिका वार्ड नम्बर
८ बिर्तामे रहल पाल आएलके नजदिकमे गौर चपुर सडकपर बिर्तासे गरुडा आबेके क्रममे रहलप
ना २१ प ३६१९ नम्बरके मोटरसाइकिल एगो बालकके ठोकर मारले हए । गरुडा नगरपालिका वार्ड
नम्बर ८ जिंगडियाके नेक महम्मदके करिब आठ बरिसके बेटा इरफान महम्मद रास्ता आरपार करेके
क्रममे रहल अवस्थामे मोटरसाइकिल ठोकर मारले हए । ठोकरसे बालक इरफान गम्भीर घाएल भेल
हए । बालकके सिरियस अवस्थामे गरुडाके एगो अस्पतालमे इलाज चलरहल हए । बालकके मुडी, हाथ
आ पएरमे गम्भीर चोट लागल हए । मोटरसाइकिल आ मोटरसाइकिल चलाबेबालाके विर्ता पुलिस नियन्त्रणमे
लेके थप अनुसन्धान कररहल जिला प्रहरी कार्यालय रौतहटके डिएसपि राम कुमार दानी जानकारी
करएले छत ।
शिक्षकमे
नोकरीके लेल मधेसी युवाके आकर्षण देखल जारहल हए पहाडके ओर
शिक्षित
मधेसी युवाके आकर्षण हिमाल आ पहाडके ओर देखलजारहल हए । शिक्षक सेवा आयोगके विज्ञापनके
क्रममे अध्यापन अनुमतिपत्र प्राप्त कएले अधिकांश मधेसी युवा हिमालके विभिन्न जिला आ
पहाडके विभिन्न जिलामे जाके फारम भरले हए । पहाड आ हिमालके जिलामे खुलाके ओर बेसी सिट
रहल तथा समावेशीमे मधेसीके लेल बेसी आरक्षित सिट रहल जिलामे जाके शिक्षकके फाराम भरले
देखलगेल हए । शिक्षक सेवा आयोग नवयुवा समुदायमे सक्रियता बढएले हए । करिब तेरह हजारसे
बेसी संख्यामे प्राथमिक, निम्नमाध्यमिक आ माध्यमिक तहमे शिक्षकके माग करइत विज्ञापन
निकाललाके बाद अध्यापन अनुमतिपत्र प्राप्त कएले सभी युवा सक्रिय भेल हए । फारम भरलाके
बाद अधिकांश युवा देशके विभिन्न प्रमुख सहरमे जाके कोचिङ कक्षा भी कररहल हए । अपन विभिन्न
प्रमुख सहर आ बजारमे शिक्षक सेवा आयोगके परीक्षाके तयारी कराबेला चारोओर तयारी कक्षा
संचालन होरहल हए । नवयुवा समुदायके अत्यधिक आकर्षण कोचिङके ओर गेल हए । कोचिङमे युवा
समुदाय बहुत मेहनत कररहल देखलगेल हए । अपना जिलामे बेसी प्रतिस्पर्धा होएके साथे पहाडके
दर्शन करेला, कुछ समावेशी सिटमे नाम निकालेला तुलनात्मकरुपसे कुछ आसानी होएला आ अपना
प्रतिभाके प्रदर्शन करेला मधेसी युवालोग पहाड आ हिमालके ओर यात्रा कररहल देखलगेल हए
। पहिलेसे ही पहाडमे मधेसी जाके विद्यालयमे पढाबेके चलन रहलाके कारण पहाडके ओर जाके
फाराम भरेला आसानी रहल युवालोगके कहनाम हए । अध्ययनके समयसे ही शिक्षा विषय लेके पढले
आ शिक्षक बनेला लाइसेन्स लेके विज्ञापन खुलेके तैयारी कररहल अधिकांश युवालोग अमकीबेर
शिक्षक बनेके सपनाके साकार होएके एगो महत्वपूर्ण पडाबके रुपमे शिक्षक सेवा आयोगके विज्ञापनके
लेले हए । शिक्षक सेवा आयोगके विज्ञापन होएलाके बाद शिक्षक बनेके चाहना रखले करिब सम्पूर्ण
युवा घरमे ही चाहे कोचिङमे जाके तैयारी कररहल हए । कुछ युवा त दैनिक दश घन्टासे बेसी
परीक्षाके तैयारीमे लगारहल देखलगेल हए । शिक्षक बनेके चाहना राखेबाला युवाके लेल अमकीबेरके
शिक्षक सेवा आयोग एगो बहुत सुन्दर मोकाके रुपमे आएल देवाहीगोनाहीके एक युवकके कहनाम
रहल हए ।
शिक्षक
बनेला महिला भी अमकीबेर कम्मर कसके भिरल हए तैयारीमे
शिक्षक बनेला पुरुषके साथे महिलालोग भी कम्मर कसके
भिरल हए । शिक्षक बनेके लेल मधेसी महिना पहिले मोस्किलसे अपना जिलामे ही जाके फारम
भरे लेकिन अमकीबेर मधेसी महिलाके फाराम भरेके प्रवृत्ति जिलाके सिमानके घेरासे अलग
भी देखलगेल हए । अमकीबेर बहुत महिला अपना घरपरिवारसे अनुमति लेके पहाडके जिलातक जाएके
काम कएले देखलगेल हए । महिलालोग विभिन्न जिलामे जाके फारम अपनेसे भरेके चाहे दोसराके
अपन फाराम देके दोसरा जिलामे पेठाबेके क्रम देखलगेल हए । चुल्हीके घेरामे चाहे घरके
काममे मात्रे सीमित रहेके चलन रहल महिलालोग पछिलका स्थानीय तहके निर्वाचनमे सफलता प्राप्त
कएलाके बाद शिक्षित महिलामे कुछ हिम्मत बढल हए । विभिन्न जगहपर चलरहल कोचिङमे अपना
घरके सभी काम कके महिलालोग सक्रिय सहभागिता जनारहल देखलगेल हए । अइसही मलाहीके चनज्योति
सहनीके मोताबिक महिलालोग शिक्षक बनेला सभी किसिमसे तैयार रहल आ आयोगके तैयारी पूरा
मेहनतके साथ कररहल हए । महिलालोग भी सभी किसिमके प्रतिस्पर्धामे तैयार रहलासे मधेसके
जिलामे मात्रे सीमित नरहके रोजगारीके क्रममे पहाडमे जाएला भी तैयार देखलगेल हए । तराई–मधेससे
जुटल पहाडके अधिकांश जिलामे मधेसी महिला शिक्षक बनेला फाराम भरले सहनीके कहनाम रहल
हए ।
सर्लाही
पुलिस मोटरसाइकिल सहित पाँच किलो गाँजा कएले हए बरामद
सर्लाही
पुलिस पाँच किलो अवैध गाँजा आ मोटरसाइकिल बरामद कएले हए । सर्लाहीके हरिपुर नगरपालिका
वार्ड नम्बर ९ पिडारीमे रहल सडकपर चेकजाँच करेके क्रममे पाँच किलो गाँजा बरामद कएले
हए । पिँडारीसे हरैयातर्फ जारहल ना ४ ख ८६३७ नम्बरके मोटरसाइकिलके चेकजाँच करेके खोजलापर
मोटरसाइकिलपर सबार मोटरसाइकिल छोडके भागेमे सफल भेल हए । मोटरसाइकिलके चेकजाँच करेके
क्रममे मोटरसाइकिलसे पाँच किलो गाँजा बरामद भेल हए । बरामद गाँजा आ मोटरसाइकिलके सर्लाही
पुलिस अपना नियन्त्रणमे लेके अनुसन्धान कररहल हए ।
कोई टिप्पणी नहीं:
एक टिप्पणी भेजें