जेठ
१२ गते गरुडामे होरहल हए गरुडा साँस्कृतिक साँझ
रौतहटके
गरुडामे पहिलबेर गरुडा साँस्कृतिक साँझ होरहल हए । आरहल जेठ १२ गते शनिवारके दिन गरुडामे
मैथिली, भोजपुरी आ बज्जिका साँस्कृतिक साँझ होरहल हए । नेपाल टेलिकम आयोजना आ एस राज
प्रोडक्सनके बैनरमे गरुडामे होरहल साँस्कृतिक कार्यक्रम भव्य होएके आयोजके विश्वास
हए । गरुडामे ही होरहल साँस्कृतिक कार्यक्रममे भोजपुरी फिलिमके कलाकार रानी चटर्जी,
सिमा सिंहके साथे नेपाली फिलिमके नायिका आ गायिक सेलिना कुँवर, मैथिली कलाकार सरिता
साह, गायक तथा नायक सन्तोष राज, भोजपुरी हास्य कलाकार तथा गायक सुनील पंडित, चर्चित बज्जिका नायक तथा
गायक बिजय यादव निर्बिजके साथे स्थानीय कलाकारके भी सहभागिता रहेके आयोजक जनएले हए
। पहिलबेर होरहल साँस्कृतिक कार्यक्रममे प्रसिद्ध कलाकारके नृत्य आ हास्य प्रस्तुति
देखेला गरुडा आ आसपासके सर्वसाधारणके बहुत उत्सुकता रहल हए । दू हप्तासे बेसी समय अभी
भी बाँकी रहलाके बाद भी साँस्कृतिक कार्यक्रमके टिकट लेबेला सर्वसाधारण बहुत उत्सुक
देखलगेल हए । कार्यक्रममे सर्वसाधारण दर्शकके लेल तीन सय, पाँच सय आ एक हजार रुपैयाके
दरसे टिकटके व्यवस्था कएलगेल हए । टिकटके लेल बुकिङ नखुलल लेकिन सैकडो लोग अपन जगह
सुरक्षित करेला पहिलेसे ही तागादा करइत आरहल आयोजक जनएले हए । पहिल सास्कृतिक कार्यक्रमके
बहुत लोग उत्सुकतापूर्वक प्रतिक्षा कररहल हए । सामाजिक संजाल फेसबुकपर कार्यक्रमके
विज्ञापनके करिब चालीस हजार दर्शक देखचुकल हए । एहीसे ही कार्यक्रमके विषयमे सर्वसाधारणके
उत्सुकताके अन्दाज करसकइछी ।
पथलसे
रौतहटमे फेर पुगल हए क्षति
पथल
परलासे रौतहटके विभिन्न गाँओमे फेर क्षति पुगल हए । एतबारके अबेर साँझमे मेघके साथे
परल पथलसे रौतहटके कुछ गाँओके घर आ बालीपर क्षति पुगल हए । पथलसे कुछ घरके खपडा फेर
बर्बाद भेल हए त आम बालीपर फेर क्षति पुगल हए । खास आन्ही नआएल लेकिन पथल निमन परगेलासे
खपराके घर आ आमके विशेष क्षति पुगएले देखलगेल हए ।
जनप्रतिनिधिके
विरोधमे ही जनप्रतिनिधिलोग देले हए उजरी
रौतहटमे
एगो स्थानीय सरकारके विरोधमे जननिर्वाचित प्रतिनिधिलोग ही उजरी देले हए । रौतहटके ईशनाथ
नगरपालिकाके मेयरके विरोधमे ओही नगरपालिकाके २२ जनप्रतिनिधि जिला प्रशासन कार्यालय
रौतहटमे लिखित उजरी देले हए । प्रशासकीय अधिकृतसे मिलके योजनाके विषयके विषयमे जानकारी
देबेके आ नगरपालिकामे व्यापक भ्रष्टाचार कएले कहइत मेयर विरुद्ध वडाध्यक्ष तथा सदस्यलोग
उजरी देले हए । ईशनाथ नगरपालिकाके मेयर सन्तोष मेहता आ कार्यकारी अधिकृत रामजी जोशी
नगरपालिकाके विभिन्न शीर्षकके रकममे व्यापक अनियमितता कएले आरोप लगबइत वडा नम्बर १
के वडाध्क्ष बिगु साह, वार्ड नम्बर २ के वडाध्यक्ष राम लक्ष्मण साह, वार्ड नम्बर ७
के वडाध्यक्ष शेख अब्दुल खालिफ, वार्ड नम्बर ८ के वडाध्यक्ष शेख चाँद अलिसहित अन्य
सदस्य मिलाके २२ जने जिला प्रशासन कार्यालय रौतहटमे उजुरी दर्ता करएले हए । नगरपालिकाके
कृषि, स्वास्थ्य, जिन्सी, विद्युतको पोल, चिम, कम्बल, स्टेशनरी, इनधन, फर्निचर, सीसी
टिभी क्यामरा, मोबाइल, व्याग, गाडी भाडा, घर भाडा, भ्रमण आदिके नामपर निकासाके साथे
शैक्षिक सामग्री, क्रिकेट टुर्नामेन्ट लगायत विभिन्न नामपर करोडो रुपैया अनियमितता
कएले आरोप सहित भी लगाबलगेल हए । स्थानीय तह हुने आर्थिक अनियमितताको सन्दर्भमा जिला
प्रशासन कार्यालयमे कौनो अधिकार नभेलासे अख्तियार दुरुपयोग अनुसन्धान आयोग लगायतके
सम्बन्धित निकायमे छानबिनके लेल सिफारिश करेके कहइत जिला प्रशासन कार्यालय रौतहटके
प्रमुख जिला अधिकारी गोविन्द रिजाल ईशनाथ नगरपालिकाके नगर प्रमुख आ प्रशासकीय प्रमुख
विरुद्ध उजरी परल स्वीकार कएले छत ।
बारामे
सँडल अवस्थामे मिलल हए एगो बालकके लास
बारा
जिलामे एगो बालकके लास सँडल अवस्थामे मिलल हए । बारा जिलाके सिम्रौनढ नगरपालिकामे आठ
बरिसके एगो बालकके लास मिलल हए । कुछ दिनसे घरसे बेपत्ता भेल बालकके लास मिलल हए ।
सिम्रौनगढ नगरपालिका वार्ड नम्बर ६ मे ओही जगहके रहनिहार बिलास सरभङके ८ बरिसके बेटा
शिव सुन्दर सरभङके सँडगलगेल अवस्थामे सोमवार लास प्राप्त भेल हए । बालकके मृत्युके
विषयमे बारा प्रहरी अनुसन्धान कररहल खबर प्राप्त भेल हए ।
टेक्टरके
ठोकरसे बारामे दू बरिसके बालकके भेल हए मृत्यु
बारा जिलामे टेक्टरके ठोकरसे दू बरिसके एगो बालकके
मृत्यु भेल हए । टेक्टरके ठोकरसे बारामे बालकके घटनास्थलपर ही मृत्यु भेल हए । बाराके
सुवर्णपुर गाँओपालिका वार्ड नम्बर ८ परशुरामपुरमे ना २ ख १९१८ नम्बरके टेक्टरसे ओही
गाँओके रहनिहार इनताज देवानके दू बरिसके बेटा कबिर देवानके ठोकर देलासे बालकके घटनास्थलपर
ही मृत्यु भेल हए । बालकके ठोकर मारेबाला टेक्टर आ ओकर डाइबरके पुलिस नियन्त्रणमे लेके
कारबाही प्रक्रिया अगाडि बढएले हए ।
फरार
अभियुक्तके पर्सा पुलिस एकजनेके कएले हए पक्राउ
पर्सा
पुलिस फरार अभियुक्तके पक्राउ कएले हए । पर्सा जिला अदालतके २०५२ सालके असार महिनाके
७ गते कएले फैसलामे लुटपाट मुदामे १ हजार ३ सय ७८ रुपैया जुर्माना भेल आ तभीसे फरार
रहल पर्सा जिलाके वीरगंज उपमहानगरपालिका वार्ड नम्बर २० हरपतगंजके ५२ बरिसके रामजी
सिंहके पुलिस पक्राउ कएले हए । पक्राउ कके सिंहके फैसला कार्यान्वयनके लेल पर्सा पुलिस
पर्सा जिला अदालतमे बुझएले जिला प्रहरी कार्यालय पर्सा जानकारी करएले हए ।
डिजे
बजाबेबाला दु जनेके पर्सा पुलिस कएले हए पक्राउ
डिजे
बजाबेबाला दू जनेके पर्सा पुलिस पक्राउ कएले हए । डिजे बजाके ध्वनि प्रदूषण कएले आरोपमे
पर्सा पुलिस बीरगंजसे दू जनेके पक्राउ कएले हए । वीरगंज महानगरपालिका वार्ड नम्बर ६
मे रहल राणीसती धर्मशालाके नजदिक सडकपर डिजे बजाके ध्वनि प्रदूषण कएले आरोपमे दू जनेके
पक्राउ कएले हए । पक्राउ परेबालामे एकजने भारतीय आ एकजने नेपाली रहल हए । वीरगंज महानगरपालिका
वार्ड नम्बर १ छपकैयाके रहनिहार १६ बरिसके राहुलकुमार साह आ भारत बिहारके धनेश राय
रहल हए ।
अस्थायी
आ करार शिक्षकके विषयमे फेर भेल नयाँ अन्यौल
अस्थायी
आ करार शिक्षकके विषयमे फेर नयाँ अन्यौल सुरु भेल हए । शिक्षा मन्त्रालय शिक्षा विभागद्वारा
शिक्षा विकास तथा समन्वय एकाइके देलगेल तेरह बूदे निर्देशनमे अस्थायी आ करार शिक्षकके
विषयमे देलगेल निर्देशनसे फेर नयाँ अन्यौल सिर्जना भेल हए । निर्देशनमे अस्थायी आ करारमे
कार्यरत कर्मचारीके असार मसान्ततक मात्रे काममे लगाबेला कहलगेल हए । कर्मचारीके मतलब
शिक्षा विकास तथा समन्वय एकाइके कर्मचारी कि अस्थायी आ करार शिक्षक भी स्पष्ट नहोएलासे
अन्यौल बढल हए । कुछ लोग शिक्षकपर भी लागू होएके कहलासे अन्यौल बढल हए । कुछ लोग विद्यालयके
कर्मचारी आ शिक्षकपर नहोके शिक्षा विकास तथा समन्वय एकाइके कर्मचारीके सम्बन्धमे मात्रे
लागू होएके कहल गेलासे अन्यौल बढल हए ।
कोई टिप्पणी नहीं:
एक टिप्पणी भेजें