रेडियो
मधेस मसलासे नगर सन्दर्भ नयाँ कार्यक्रम होरहल हए सुरु
मध्य
मधेसके सबसे प्रिय रेडियोके रुपमे रहल रेडियो मधेस मसलाके अपन उत्पादनके रुपमे नया
कार्यक्रम सुरु भेल हए । गरुडा नगरपालिका कार्यालय गरुडा आ रेडियो मधेस मसला एफएमके
संयुक्त सहकार्यमे नयाँ कार्यक्रम सुरु होरहल हए । नयाँ कार्यक्रमके नाओ नगर सन्दर्भ
रहल हए । नगर सन्दर्भ कार्यक्रममे गरुडा नगरपालिकासे सम्बन्धित सम्पूर्ण गतिविधिपर
नजर रखइत हरेक गरुडाबासीके आवाज जनजनतक पुगाबेके काम हाई । गरुडा नगरपालिकाके विकास,
निर्माण, शिक्षा, स्वास्थ तथा गरुडा नगरपालिकाके काम कारबाहीपर जनताके अपेक्षा आ आलोचना
लगायत सम्पूर्ण सामग्रीस भरल पुरल नगर सन्दर्भ कार्यक्रम संचालन होरहल हए । हप्ताके
दू दिन शुक्रबार आ सोमवार साँझके साढे ७ बजेसे आठ बजेतक आ पुनः प्रसारण एतबार आ बुधके
दिनके एक बजेसे डेढ बजेके समयमे सम्पूर्ण स्रोतालोग नगर सन्दर्भ सुन सकइछी । गरुडा
नगरपालिकाके काम कारबाहीके विषयमे भी सर्वसाधारण अपन धारणा राख सकइछी । कार्यक्रमके
विषयमे अपन राय रेडियो मधेस मसला एफएमके सामाजिक संजाल फेसबुकपर अपन विचार प्रस्तुत
करसकइछी । अइसही नगरपालिकाके विषयमे होरहल सकारात्मक कामके भी जनजनमे पहुचाबेला अपन
भूमिका निर्वाह करसकइछी । अपन विचार, समाचार, सुझाव चाहे नगरपालिकाके विषयमे कौनो कमी
कमजोरी हए त रेडियो मधेस मसला एफएमके इमेल आइडी चबमष्यmm।लभधक।अयmमे भी अपन विचार भेज
सकइछी । नगरबासीसे सिधा सरोकार राखेबाला विषय, टिप्पणी आ प्रतिक्रियाके नगर सन्दर्भ
कार्यक्रममे प्राथमिकताके आधारपर स्थान देहल जाई । गरुडा नगरपालिका आ रेडियो मधेस मसला
एफएमके सहकार्यमे होएबाला पहिल कार्यक्रम होएलासे प्रबुद्ध स्रोतालोगके ध्यान नगर सन्दर्भ
कार्यक्रमके ओर जाएके विश्वास नगरपालिका आ रेडियो मधेस मसला एफएम रखले हए ।
शिक्षक
पटेलके मृत्युपर शोक मनाबेला आग्रह कएले हए शिक्षक संगठन
रौतहटमे
कार्यरत अवस्थामे एक जने शिक्षकके मृत्यु भेल हए । आधारभूत विद्यालय देवाहीमे कार्यरत
एकजने शिक्षकके मृत्यु भेल हए । देवाहीमे रहल सशस्त्र प्रहरी बल नेपालके बेस कैम्पके
नजदिकमे रहल आधारभूत विद्यालयमे कार्यरत देवाही गोनाही नगरपालिका वार्ड नम्बर ८ के
घरभेल शिक्षक फेकु प्रसाद पटेलके मृत्यु भेल हए । कुछ दिनसे बेमार रहल शिक्षक पटेलके
मृत्यु होएलापर नेपाल राष्ट्रिय शिक्षक संगठन श्रद्धान्जलि व्यक्त कएले हए । संगठनके
रौतहट अध्यक्ष मणिशंकर लाल निधि संगठनके ओरसे शिक्षक पटेलप्रति श्रद्धान्जलि व्यक्त
करइत जिलाके सम्पूर्ण विद्यालयमे शोक मनाबेला आग्रह कएले छत ।
मावि
गेडहीमे दुसरका अभिभावक भेला भेल हए सम्पन्न
रौतहटके
गरुडा नगरपालिका वार्ड नम्बर २ गेडहीमे रहल सामुदायिक विद्यालयके दुसरका अभिभावक भेला
सम्पन्न भेल हए । चार बरिससे बेसी समयसे विद्यालयमे व्यवस्थापन समिति नरहलापर विद्यालयके
व्यवस्थापनमे समस्या आरहल अवस्थामे समिति गठनके लेल गत वैशाख १५ गते पहिलबेर व्यवस्थापन
समितिके भेला बोलाबलगेल रहे । अभिभावक लोगके पहिल भेलासे आन्तरिक कुछ नीति नियम बनबइत
शान्तिपूर्ण सम्पन्न होएलापर दुसरका अभिभावक भेला वैशाख २० गते तोकलगेल रहे । वैशाख
२० गते भी मावि गेडहीके अभिभावकके साथे विभिन्न बुद्धिजीवी तथा समाजसेवी, राजनीतिक
कार्यकर्ता लगायतके उपस्थिति रहल रहे । दुसरका अभिभावक भेलामे विद्यालय व्यवस्थापन
समितिके गठन नहोए सकल हए । तिसरका अभिभावक भेल फेर जेठ २ गते होएके सहमति बनल विद्यालयके
प्रधान शिक्षक रेणु गुप्ता जानकारी करएले छत ।
मोटरसाइकिल
दुर्घटनामे मौलापुरमे एकजने युवकके भेल हए मृत्यु
मोटरसाइकिल
दुर्घटनामे मौलापुरके एकजने युवकके मृत्यु भेल हए । मौलापुर नगरपालिका वार्ड नम्बर
५ मे रहल भित्री सडक खण्डके भकुवा नदीके पुलपर बा ३३ प २०९० नम्बरके मोटरसाइकिल दुर्घटना
होएलासे मोटरसाइकिल चलाबेबाला युवकके घटनास्थलपर ही मृत्यु भेल हए । मोटरसाइकिल चलाबेबाला
युवक देवाही गोनाही नगरपालिका वार्ड नम्बर ७ के रहनिहार १९ बरिसके सन्तोष पटेलके मोटरसाइकिल
दुर्घटनामे घटनास्थलमे ही मृत्यु भेल हए । घटनाके विषयमे रौतहट पुलिस अनुन्धान कररहल
हए ।
सबारी
दुर्घटनामे परके बारामे एकजने ज्येष्ठ नागरिकके भेल हए मृत्यु
बारा
जिलामे सबारी दुर्घटनामे एकजने वृद्धके मृत्यु भेल हए । बारा जिलाके जितपुर सिमरा उपमहानगरपालिका
वार्ड नम्बर १ मे रहल सडकपर ना ७ ख ७४१ नम्बरके टैँकरके ठोकरसे एगो पैदल यात्री वृद्धके
मृत्यु भेल हए । मृत्यु होएबालामे ७० बरिसके वृद्ध स्थानीय रत्नप्रसाद पौडेल रहल हए
। टैँकरके ठोकरसे गम्भीर घाएल होएलाबाद पौडेलके इलाजके लेल नारायणी उपक्षेत्रीय अस्पताल
वीरगंजमे पेठएलाके बाद इलाजके क्रममे ही पौडेलके मृत्यु भेल हए । टैँकरके चालक आ टैँकरके
बारा पुलिस नियन्त्रणमे लेके आवश्यक कारबाही अगाडि बढएले खबर प्राप्त भेल हए ।
कोई टिप्पणी नहीं:
एक टिप्पणी भेजें