Radio Madhesh Masla 106.4 MHz

गौरके मोहन यादव हजारो रुपैयाके सामग्री उपलब्ध करएले छत अनाथालयके

रौतहट गौरमे रहल गौरी शंकर बहुमुखी क्याम्पसके मोहन यादव हजारोके सामग्री अनाथालयके उपलब्ध करएले छत । अपना जन्म दिनके अवसरपर यादव गरुडामे रहल वंशीराम जयसवाल अनाथालयमे पहुँचके हजारो रुपैयाके विभिन्न सामग्री उपलब्ध करएले छत । जन्म दिनके अवसरपर यादव अनाथालयके सभी बालबालिकाके मिठाइ, हरेक विद्यार्थीके आधा दर्जनके हिसाबसे कापी आ सबा एक क्वीन्टल चामल उपलब्ध करएले  छत । यादवद्वारा उपलब्ध कराबलगेल सामग्रीके मूल्य करिब १५ हजार रुपैया रहल हए । यादवद्वारा अनाथालयके सामान हस्तान्तरणके समय अनाथालयके संस्थापक अध्यक्ष समाजसेवी वंशीराम जयसवाल, अनाथालयके रेखदेख करेबाला हृदयनारायण कुशवाहा, मध्यरौतहट बहुमुखी क्याम्पस गरुडाके क्याम्पस चिफ प्रेमलाल साह, रेडियो मधेस मसला एफएम गरुडाके स्टेशन मैनेजर मनोजकुमार चौधरी लगायत विभिन्न सञ्चारकर्मी तथा बुद्धिजीवी लोगके सहभागिता रहल रहे । अनाथालयके सामग्री उपलब्ध करएलापर अनाथालयके ओरसे धन्यवाद देलगेल हए ।

बारा आ पर्सामे लागू औषधसहित दू जने परल हए पक्राउ

बारा आ पर्सामे दूजने लागू औषधसहित पक्राउ परल हए । बारा जिलाके जितपुर सिमरा उपमहानगरपालिका वार्ड नम्बर १४ राजघटा गाँओसे इनर्वासिराके ओर लागू औषध गाँजा लेजारहल अवस्थामे ओही जगहके बांग्रिखोलासे जितपुर सिमरा उपमहानगरपालिका वार्ड नम्बर १४ के रहनिहार ४९ बरिसके कमल महतोके करिब बीस किलो लागू औषध गाँजासहित सोमवार पुलिस पक्राउ कएले हए । अइसही पर्सा जिलाके वीरगंज उपमहानगर पालिका वार्ड नम्बर १६ मे रहल रजत जयन्ती चौकसे नेपालसे भारतके ओर जारहल पैदल यात्री वीरगंज महानगरपालिका वार्ड नम्बर १ छपकैयाके रहनिहार ५० बरिसके नूरजहाँ खातुनके एक किलो दू सय ग्राम लागू औषध गाँजासहित फेला पारके सोमवार पर्सा पुलिस पक्राउ कएले हए । लागू औषधसहित पक्राउ परल दुनु जनेके आ लागू औषधके विषयमे पुलिस अनुसन्धन कररहल खबर हए ।a