Radio Madhesh Masla 106.4 MHz

गरुडा नगरपालिकाके हेल्प डेस्क तथा घरदैलोमे करिब ४३ हजार जनाके भेल स्क्रीनिङ्ग

****************************************************************************

रौतहट जिलाके गरुडा नगरपालिकाद्वारा संचालन कएले कोरोना भाइरस हेल्प डेस्क तथा घरदैलो कार्यक्रम अन्तर्गत फौरहेड टेम्प्रेचर मेसिनसे टेम्परेचर ४३ हजार १ सय ४२ जनाके टेम्प्रेचर चेकजाँच कएल गेल हए । ओइमे महिला १६ हजार ४ सय ८१ आ २६ हजार ६ सय ६१ पुरुषके संख्या रखल हए । नगरपालिकाद्वारा चैत्र ९ गतेसे चैत्र २३ गते तक नगरपालिकाद्वारा संचालित हेल्प डेस्क आ घर घरमे जाके टेम्प्रेचर चेक कएले रहे । नगरपालिकाके ९ गो वडामे रहल सम्पूर्ण व्यक्ति सबके चेक जाँच कएल गेल रहे । गरुडा नगरपालिका वडा नम्बर १ जयनगरमे १ हजार ६१ महिला आ ३४ सय २५ महिला, वडा नम्बर २ गेडही गुठीमे १ हजार २ सय १९ महिला १ हजार ३ सय ४ पुरुष रहल हए । गरुडा नगरपालिका वडा नम्बर ३  मलाहीटोलमे १ हजार ४ सय ३५ महिला आ २ हजार ८ सय ७३ पुरुषके फैरहेड मेसिनसे टेम्प्रेचर चेकजाँचक कएल गेल हए । ओइसहीइ नगरपालिकाके व्यापारीक वडा के रुपमे रहल वडा नम्बर ४ मे १ हजार ५ सय ६३ महिला आ ३ हजार २ सय ६५ पुरुष रहल हए, वडा नम्बर ५ महम्मदपुरमे १ हजार ६ सय ७ महिला आ १ हजार ८ सय ६ महिलाके स्क्रीनिङ्ग कएल गेल हए । वडा नम्बर ६ पोठीयाही आ अमरपटी टोलमे ३ हजार १ सय ७६ महिला आ ३ हजार ९६ पुरुष रहल हए । ओइसहीय वडा नम्बर ७ पिपरीया दोस्तीयामे २ हजार १ सय ९४ महिला आ २ हजार १ सय ८५ महिलाके स्क्रीनिङ्ग कएल गेल हए । वडा नम्बर ८ बसविट्टि जिंगडिया २ हजार ७ सय ९४ महिला आ २ हजार १ सय ८५ पुरुषके आ वडा नम्बर ९ रघुनाथपुर, विर्ता  आ सिसवामे २ हजार ७ सय ९४ महिला आ ४ हजार ५ सय ३४ पुरुषके फोरहेड मेसिनसे टेम्प्रेचर चेकजाच कएल् गेल नगरपालिकाके स्वास्थ्य शाखा संयोजक जनार्धन झा बतएलन ।

गढीमाई न.पा.मे अति विपन्न श्रमिकके स्थानीय तहके राहत वितरण

**************************************************

रौतहटके गढीमाई नगरपालिकाद्वारा नगरपालिकामे रहल अति विपन्न श्रमिकके स्थानीय तह राहत वितरण करेके शुरु कएले हए । लकडाउनमे काम करे नसकलासे बहुत विपन्न श्रमिक परिवारके बाँचेके अवस्था बहुत कठिन होइत गेल कहइत चारु ओरसे ओइसन श्रमीकसबके राहत देवेके माग होरहल समयमे गढीमाई नगरपालिका नगर भितरके अति विपन्न श्रमिक सबके रातहत देवेके शुरु कएले हए । नगरपालिका हरेक वडाके एक सय अतिविपन्न परिवारके राहत बाटेके काम शुरु कएले हए । सोमवारके दिन वडा नं. ९ के एक सय परिवारके २० किलो चामल, २ किलो दाल ३ किलो आलु, एक पोका नुन, एक लिटर खाएबाला तेल, २ गो साबुन आ १ गो सेनिटाइजर वितरण कएले हए । मेयर श्यामप्रसाद यादव आ निमित्त प्रशासकीय अधिकृत नागेन्द्र यादव वडा नम्बर ९ के वडाध्यक्ष पुनित सहनीके अगुवाईमे प्रहरी चौकी वरियारपुरमे विपन्न परिवारके बोलाके त्यार कएले नमाबली अनुसार बितरण कएल गेल हए । अति विपन्न श्रमिक परिवारके पहिले हि छनौट कके औपचारिकरूपमे खबर कके बोलएलासे राहत वितरण निष्पक्ष तथा व्यवस्थित भेल मेयर यादव बतएलन । पहिल चरणमे हरेक वडाके एक सय अति विपन्न परिवारके छनौट कएल गेल आ दोसर चरणमे अन्य प्रभावितके राहत वितरण करेके बतएलन । लकडाउनके समय थपाइत गेलासे दैनिक ज्यालादारी कके अपन परिवारके पालन पोषण करेवला अति विपन्न श्रमिकसबके समस्या परइत गेल हए । दोसरकाके काम कके मजदुरी करेवालाके लकडाउनमे समस्या होइत गेलाके चल्ते स्थानीय तहसब कुछ राहत देबे लागल हए । रौतहटके औरी स्थानीय तह भि  विपन्न परिवारके हातमुह जोरेके सहयोग करेके लेल प्राविधिक काम कर रहल देखल गेल हए । 

वडाध्यक्ष प्रत्यारी साहाद्वारा मास्क वितरण

**********************************

गरुडा नगरपालिका वडा नम्बर ५ के नेकपाके ओरसे वडाअध्यक्षके प्रत्यासी तथा रौतहट इटा व्यवसायी उद्योग संघके अध्यक्ष तथा राम बिनोद साह अपन निजी लगानीमे करिब १२ सय मास्क आ साबुन वितरण कएले हए । विश्वभर महामारीके रुपमे फइलल कोरोना भाइरसके संक्रमणसे बचेके लेल आ सर्वसधारणमे एइ भाइरसके संक्रमणसे बचे आ बचावेके लेल  साबधानी अपनाबेके तरीका सिखबइत २ हजार मास्क आ साबुन वितरण कएले हए । गरुडा नगरपालिका वडा नम्बर ५ लक्ष्मीपुर आ झाझपुलपर रहल सम्पूर्ण घरधुरीमे अपनासे खटके साबुन आ मास्क वितरण कएले हए। मास्क वितरण करेके समयमे सभि वडा बासीसे अपना अपना घरमे रहके नेपाल सरकारद्वारा कएल गेल लकडाउनके पालना करइत अपने आ अपन परीवारजनके कोरोना भाइरसके संक्रमणसे बचे आ बचावेके लेल अग्रह कएलन ।

गरुडा नगरपालिकाद्वारा प्रत्येक वडामा लामखुट्टे मार्ने औषधी छर्ने कार्य सुरु

*******************************************

रौतहट जिल्लाको गरुडा नगरपालिकाका निमित्त प्रमुख प्रशासकिय अधिकृत मो।मुसताक आलमले कोरोना भाइरसबाट बच्न नगर क्षेत्रका अन्तरगतका प्रत्येक वाडको गाउँ गाउँमा लामखुटे मारने औषधी छर्ने कार्य सुरु गरेको छ । विश्वव्यापी महामारीका रूपमा फैलिँदै गइरहेको कोरोना भाईरसको संक्रमणबाट आफनो नगरवासिमा साबुन र लामखुटे मारने औषधी छर्ने को व्यवस्था गरिएको आलमले बताएका छन ।

असहायके सहारा बलन मेयर प्रत्यासी जयसवाल

********************************

नेपाल सरकारद्वारा कएल गेल लकडाउनके चल्ते दैनिक ज्यालादारी कके अपन परिवारके भारन पोषण करेवाला सर्वसधारणके दिक्कत होरहल समयमे कटहरीया नगरपालिकाके नेपाली काँग्रेसके मेयर प्रत्यासी अजय प्रकास जयसवाल सहारा बनल हए । कटहरीया नगरपालिका वडा नम्बर ६ फत्तेपुरमे रहल अति विपन्न, असहाय आ ज्यलादारीमे जिनव यापन करेवाला विपन्न परीवारके राहत वितरण कएले हए । मेयर प्रत्यासी जयसवालद्वारा विपन्न परिवारके १० किलो चामल १ किलो दाल, १ पौकेट नुन, १ गो साबुन आ परिवार सदस्य सबके लेल मास्क दुधियाभार शस्त्रबेस कैम्पके प्रहरी निरीक्षक राम थापके रोहवर वितरण कएले हए ।