Radio Madhesh Masla 106.4 MHz

लाइन दिनभर कटइत रहलासे सर्वसाधारणके बढल हए परसानी

शनिवार रातमे भेल वर्षाके बादसे कटल लाइन दिनभर परसानी भेल हए । दिनभर कसके घाम उगल लेकिन लाइन कटइत रहलासे सर्वसाधारण परसान बनल हए । कुछ देर लाइन आबेके आ बहुतादेर कटइत रहलासे सर्वसाधारण परसान बनल हए । लाइनसे होएबाला काम लाइनके बेगर अवरुद्ध बनलासे सर्वसाधारणके बेसी परसानी बनेके परल हए ।

लगातार मेघ बरसलासे किसानके होरहल हए खुसी

लगातार मेघ बरसलासे किसान खुसी भेल हए । लगातार दू तीन दिनके बाद वर्षा होरहल हए । दू तीन दिनबाद वर्षा होरहलासे एकओर गरमी कम होरहल हए त दोसरओर किसानके फाएदा होरहल हए । किसानके खेतके तैयारी किसान करेके मौका मिलरहल हए । किसानके खेतमे पानी लागलासे बाली भी निमन होरहल हए । किसानके बालीके रुपमे रहल उँख आ तरकारी बाली अत्यन्त सहज होरहल हए । लोगके उँख अबहिए फुफुआएल बुझाइत हए । अइसही तरकारी बालीके भी बहुत फाएदा होरहल हए । लगातार वर्षात होएलासे किसानके खेतमे रहल तरकारी बालीके बहुत फाएदा होरहल हए । लगातार वर्षात होएलाके कारण जेठ जइसन गर्मीके महिनामे भी तरकारीके भाओ खासे नबढल हए ।

गरुडा सांस्कृतिक कार्यक्रमके संचालनके लेल मिलल हए अनुमति

रौतहटमे पहिलबेर होए जारहल गरुडा सांस्कृतिक कार्यक्रमके संचालनके जिला प्रशासन कार्यालय रौतहट अनुमति देले हए । एस राज प्रोडक्सनके बैनरमे होएबाला नेपाली, मैथिली, भोजपुरी आ बज्जिका गीत संगीतके विशिष्ट कार्यक्रमके लेल जिला प्रशासन कार्यालय रौतहटसे अनुमति मिलल हए । प्रमुख जिला अधिकारी गोविन्द रिजाल एतबारके दिन अनुमति देले छत । इहे जेठ १२ गते शनिवारके दिन साँझके ६ बजेसे रातके १० बजेतक सांस्कृतिक कार्यक्रम होएके अनुमति प्राप्त भेल एस राज प्रोडक्सनके प्रोप्राइटर सन्तोष सहनी राज जानकारी करएले छत । गरुडा सांस्कृतिक कार्यक्रम भव्य रुपसे सम्पन्न करेके लेल आन्तरिक आ बाह्य तयारी भव्यरुपसे होरहल हए । गरुडा सांस्कृतिक कार्यक्रम पहिलबेर होरहलाके कारण सर्वसाधारण भी बहुत उत्सुकतापूर्वक कार्यक्रमके प्रतीक्षा कररहल हए ।