Radio Madhesh Masla 106.4 MHz

सार्वजनिक सुनुवाई कार्यक्रम गेडहीगुठीमे भेल हए सम्पन्न

रौतहटके गरुडा नगरपालिकाके सहयोग आ बज्जिका साहित्य संगम रौतहट, गरुडाके आयोजना तथा बज्जिका पत्रकार संघ नेपाल रौतहटके सहआयोजनामे गरुडा नगरपालिकाके वार्ड नम्बर २ गेडहीगुठीमे सार्वजनिक सुनुवाइ कार्यक्रम सम्पन्न भेल हए । वडाध्यक्ष विशुनदेव सहनीके अध्यक्षता तथा संघीय समाजवादी फोरम नेपालके मधेस प्रदेश सदस्य वृजकिशोर यादवके प्रभुख आतिथ्यमे सम्पन्न सम्पन्न कार्यक्रममे स्थानीय विभिन्न राजनैतिक दलके प्रतिनिधि, विभिन्न संघसंस्थाके प्रतिनिधि, समाजसेवी, बुद्धिजीवी, संचारकर्मी, शिक्षक, कर्मचारी तथा सर्वसाधारण वडा कार्यालय, विद्यालय, स्वास्थ्य चौकी लगायतके कार्यालयसे सम्पन्न होएबाला कामके विषयमे सम्बन्धित कार्यालयके प्रमुखसे जबाफ माग कएलन् । गाँओके विकास निर्माणके साथे अन्य विभिन्न विषयपर प््रकाश पारेके काम भेल हए । सार्वजनिक सुनवाईमे सभी पार्टीके प्रतिनिधि लोग वडा कार्यालयके कामके प्रशंसा कएले छत । कार्यक्रममे उठल सभी प्रश्नके जबाफ वडाध्यक्ष सहनी देले छत । अइसही प्रमुख अतिथि वृजकिशोर यादव मन्तव्य व्यक्त करइत सार्वजनिक स्थानमे प्रदेश सरकारसे एगो सार्वजनिक शौचालय निर्माणके साथे गाँओके कृषिके आधुनिकीकरणके लेल वडा कार्यालयसे मिलके पहल करेके प्रतिबद्धता व्यक्त कएले छत ।

गरुडामे मधेस सांस्कृतिक कार्यक्रम भव्तापूर्वक भेल हए सम्पन्न

मधेस सांस्कृतिक प्रतिष्ठानके आयोजनामे रौतहटके गरुडामे मधेस सांस्कृतिक महोत्सव भव्यतापूर्वक सम्पन्न भेल हए । आयोजक संस्थाके अध्यक्ष उपेन्द्र सहनीके सभापतित्व एवं मौलापुर नगरपालिकाके मेयर रिनाकुमारी साह कविताके प्रभुख आतिथ्यमे शनिवार गरुडामे भाषा, साहित्य, संस्कृतिके क्षेत्रके विशिष्ट लोगके संलग्नतामे सांस्कृतिक महोत्सव भव्यतापूर्वक सम्पन्न भेल हए । नेपाल आ भारतके विभिन्न साहित्यसेवीके साथे विशिष्ट संस्कृतिकर्मीलोगके बेजोड प्रस्तुति रहल कार्यक्रमके संयोजक विजय यादव निर्बिज कार्यक्रमके विषयमे प्रकाश पारले छत । कार्यक्रममे गोपाल ठाकुर, वृजकिशोर यादव लगायतके लोग मन्तव्य व्यक्त करइत मधेसके संस्कृतिके विशेषताके साथे एकरा बचाके राखेला सहभागी लोगसे आग्रह कएले रहलन ।