Radio Madhesh Masla 106.4 MHz

मानव बेचबिखनविरुद्ध जनप्रतिनिधिके देलगेल जनचेतना तालिम

मानव बेचबिखन तथा ओसारपसार समस्याके बदलइत स्वरुप तथा दायरा आ बिद्यमान कानूनी ब्यवस्थाके बारेमे जनप्रतिनिधिलोगके अभिमुखिकरण तालिम देलगेल हए । प्लान इन्टरनेशनल नेपालके आर्थिक तथा प्राविधिक सहयोग आ महिला सुरक्षा दवाव समुह रौतहटके आयोजनामे असार १८ से २३ गतेतक बृन्दावन आ गरुडा नगरपालिकाके निर्वाचित सम्पूर्ण जनप्रतिनिधिलोगके एक÷एक दिवसीय अभिमुखीकरण तािलम देलगेल  हए । एगो नगरपालिकाके दू दिनके सेसन मिलाके ४ सेसनमे सम्पूर्ण कार्यक्रम सम्पन्न भेल हए । मानव बेचबिखन तथा ओसारपसार समस्याके बढइत दायराके साथे नेपालके तराइके जिलामे बालबालिका, किशोरकिशोरी, युवती हेराएके, बहला फुसलाके आ लोभलालचमे पारके यौन शोषण तथा बालश्रमके लेल बेचबिखन तथा ओसारपसार होएके, बालविवाहमे परेबाला, दुव्र्यवहार आ घरेलु हिंसा हिँसा होएके जइसन गम्भिर समस्या भोगरहल हए । अइसही अभिभावक तथा संरक्षण विहिन आ टुगर तथा बिद्यालयसे बाहर रहल बालबालिकाके थप उच्च जोखिममे रहल अवस्थाके ध्यानमे राखके समस्या न्युनिकरणके लेल स्थानिय मुख्य सरोकारवाला नगरपालिका कार्यालय, वडा कार्यालय आ स्थानिय प्रहरी÷प्रशासन प्रतिनिधिलोगके सशक्त आ सक्रिय बनाबेला सहयोग पुगाबेके उदेश्य रहल हए । गरुडा आ बृन्दावन नगरपालिका अन्तर्गतके सभी वडा अध्यक्ष आ सदस्यके सक्रिय सहभागिता रहल कार्यक्रमके अधिवक्ता अनन्त अधिकारी आ मानव अधिकारकर्मि टिका घिमिरे सहजिकरण कएले रहलन ।

रौतहटके गरुडामे होए जारहल मधेस सांस्कृतिक महोत्सवसके भेल सम्पूर्ण तयारी पूरा

रौतहटके गरुडामे होए जारहल मधेस सांस्कृतिक महोत्सवके सम्पूर्ण तयारी पूरा भेल आयोजक जानकारी करएले हए । शनिवारके दिन गरुडामे मधेस सांस्कृतिक प्रतिष्ठानके आयोजनामे होए जारहल मधेस सांस्कृतिक महोत्वसके सम्पूर्ण तयारी पूरा भेल आयोजक जनएले हए । मधेसके संस्कृतिके संरक्षणमे सक्रिय रहल मधेस सांस्कृतिक प्रतिष्ठानके पहिल कार्यक्रम गरुडामे होए जारहल हए । कार्यक्रममे सहभागी होएके लेल विभिन्न स्थानसे चर्चित कलाकारलोग गरुडा पहुँच चुकल हए । मधेसके सांस्कृतिक झाँकी आ सांस्कृतिक प्रस्तुतिसे मधेसके संस्कृतिके विकासमे सहयोग पुगेके विश्वास रहल हए । पूर्व मन्त्री एवं चर्चित विकासवादी नेता प्रभु साहके उपस्थितिमे कार्यक्रम होरहल आयोजक मधेस सांस्कृतिक प्रतिष्ठानके बिजय यादव निर्बिज जानकारी करएले छत ।

कृषि विकास बैक गरुडा फेर दूजनेके जमिन कएले हए लिलाम

रौतहटके गरुडामे रहल कृषि विकास बैंकके शाखा कार्यालयसे ऋण लेके ऋण आ ब्याज नबुझाबेबालाके जमिन धमाधम लिलाम होरहल हए । एही क्रममे थप दूजनेके जमिन भी लिलामी कएलगेल हए । जयनगर वर्डा ७ के रहेना खातुनके जमिन लिलाम कएलगेल हए । दू लाख असी हजार रुपैया ऋण बाँकी रहल आ बैंकमे समयपर सम्पर्क नकएलासे नियम अनुसार डाँक बढाबढ लिलामीद्वारा शेख जमरुदिन सकार कएले हए । जमिनके लिलामी आठ लाख ६४ हजार ७८६ रुपैयामे भेल हए । अइसही कर्कच वार्ड नम्बर २ के ऋणी जयप्रकाश प्रसाद यादवके जमिन भी लिलामी कएलगेल हए । चार लाख नब्बे हजार रुपैया ऋण बाँकी रहल आ बैकमे सम्पर्क नकएलाके कारण सम्पूर्ण नियम आ प्रक्रिया पूरा करइत बैंकद्वारा लिलामी होएलापर बारा जिलाके पटेर्वाके सुजित कुमार कुशवाहा तीस लाख पाँच हजार रुपैयामे जमिन सकार कएले बैंक जनएले हए । बैंकसे ऋण लेके ब्याज आ ऋण नबुझाबेबाला सम्पूर्ण ऋणीके एकबेर अनिवार्य रुपसे बैंकमे सम्पर्क करेला बैंक आग्रह कएले बैंकके ऋण विभागके मुकेश कुमार साह जानकारी करएले छत ।