दुर्गा
भवानी यादव प्रतिष्ठान भेल हए दर्ता
जिला
प्रशासन कार्यालय रौतहटमे दुर्गा भवानी यादव प्रतिष्ठान दर्ता भेल हए । बज्जिका भाषा,
साहित्य, संस्कृति, पत्रकारिता आ समाजसेवाके जुटल अन्य क्षेत्रमे सेवा करेके लेल एगो
नयाँ संस्थाके जन्म भेल हए । बज्जिका भाषाके लेल अत्यन्त सक्रिय गरुडा नगरपालिका वार्ड
नम्बर ५ महम्मदपुरके वृजकिशोर यादव अपन पिता दुर्गा राय यादव आ माता भवानी देवी यादवके
नामपर दुर्गा भवानी यादव प्रतिष्ठान गठन कएले छत । प्रतिष्ठानके संस्थापक अध्यक्षमे
वृजकिशोर प्रसाद यादव, उपाध्यक्षमे राजुप्रसाद यादव, कोषाध्यक्षमे सबनमदेवी यादव आ
सदस्यद्वयमे बिन्दा साह आ अभय यादव रहल हए । जम्मा पाँच सदस्यीय रहल संस्थापक कार्य
समितिके ओरसे तत्काल ही बज्जिका सेवाके साथे समाजसेवा करेके प्रतिबद्धता व्यक्त कएलगेल
हए । संस्था दर्ता होएसे पहिले ही संस्थाके ओरसे बज्जिका भाषाके पत्रकारिताके क्षेत्रमे
विशेष काम करेके घोषणा कएलगेल हए । संस्थाके ओरसे दुर्गा भवानी अन्तर्राष्ट्रिय बज्जिका
पत्रकारिता पुरस्कार स्थापनाके घोषणा कएलगेल हए । नेपाल आ भारतमे बज्जिका भाषाके पत्रकारिताके
विकासके लेल कार्यरत व्यक्ति आ संस्थाके पचीस हजार रुपैया नगदके बज्जिका पत्रकारिता
पुरस्कारके स्थापना कएलगेल घोषणा भेल हए । अइसही गरुडा नगरपालिकाके सभी सामुदायिक विद्यालयके
सम्पूर्ण छात्रामे सर्वोत्कृष्ट परिणाम लेआबेबाला एकजने छात्राके दुर्गा भवानी सर्वोत्कृष्ट
छात्रा पुरस्कार देबेके घोषणा भी कएलगेल हए । पुरस्कारके रकम दश हजार रुपैया रहल संस्थाके
संस्थापक अध्यक्ष वृजकिशोर यादव जानकारी करएले छत ।
गरुडा
नगर उद्योग वाणिज्य संघके प्रथम साधारणसभा सम्पन्न, सावन १० गते कार्य समितिके तोकलगेल
निर्वाचन
रौतहटके
मध्यमे रहल गरुडा नगरपालिकाके गरुडा नगर उद्योग वाणिज्य संघके प्रथम साधारण सभा सम्पन्न
भेल हए । संघके अध्यक्ष राम भरोस राय यादवके सभापतित्वमे सम्पन्न कार्यक्रममे प्रमुख
अतिथि रौतहट उद्योग वाणिज्य संघके अध्यक्ष पंडितप्रसाद जयसवाल संघके अपनाओरसे होएबाला
सभी किसिमके सहयोग करेके प्रतिबद्धता व्यक्त कएले छत । विशिष्ट अतिथि गरुडा नगरपालिकाके
मेयर इन्नु राय यादव संघके सक्रियताके लेल अपने हर किसिमके सहयोग करेला प्रतिबद्धता
व्यक्त कएले छत । अइसही विशिष्ट अतिथि गरुडा नगरपालिकाके उपमेयर रंगिलादेवी जयसवाल
गरुडा नगर उद्योग वाणिज्य संघके भवन निर्माणके लेल नगरपालिकाके ओरसे होसकेबाला सहयोग
करेके प्रतिबद्धता व्यक्त कएले छत । कार्यक्रममे नेपाल उद्योग वाणिज्य संघके पूर्व
केन्द्रीय सदस्य एवं वरिष्ठ समाजसेवी धर्मनाथ प्रसाद जयसवाल संघके भवन बनाबेके लेल
नगरपालिकाके सहयोगके अपेक्षा करइत सर्वसम्मत कार्य समितिके लेल पहल करेला आग्रह कएले
छत । कार्यक्रममे मन्तव्य व्यक्त करइत रौतहट उद्योग वाणिज्य संघके उपाध्यक्ष वृजकिशोर
यादव गरुडा नगर उद्योग वाणिज्य संघके भवन निर्माणमे नगरपालिकासे लेके जिला उद्योग वाणिज्य
संघ आ अन्य निकायमे भी पहलके लेल तैयार रहल स्पष्ट कएले छत । कार्यक्रममे नेपाल सोना
चानी व्यावसायी महासंघके उपाध्यक्ष रामजी साह सोनार, नेपाली काँग्रेसके नेता सुनील कुमार यादव लगायत
थप दर्जनो लोग मन्तव्य व्यक्त करइत गरुडा नगर उद्योग वाणिज्य संघके विभिन्न सुझाव देले
छत । संघके बन्द सत्रसे सावन १० गते कार्य समितिके नयाँ निर्वाचन होएके निर्णय कएलगेल
हए ।
उवा
संघके कार्यक्रममे इलाका प्रहरी कार्यालय गरुडापर उठल हए सूचनासे सम्बन्धित सबाल
रौतहटके
गरुडा नगर उद्योग वाणिज्य संघके प्रथम नगर सभामे इलाका प्रहरी कार्यालय गरुडाउपर सूचनाके
विषयके लेके सबाल उठल हए । सूचना सर्वसाधारणके भी अधिकार रहल कहइत रौतहट उद्योग वाणिज्य
संघके उपाध्यक्ष वृजकिशोर यादव इलाका प्रहरी कार्यालय गरुडा सर्वसाधारणके कौनो भी सूचना
नदेरहल आरोप लगएले छत । अइसही नेपाल उद्योग वाणिज्य महासंघके पूर्व केन्द्रीय सदस्य
धर्मनाथप्रसाद जयसवाल भी सम्बन्धित व्यक्तिके आवश्यक सूचना उपलब्ध कराबेला इलाका प्रहरी
कार्यालय गरुडाके सुझाव देले छत । इलाका प्रहरी कार्यालय गरुडा संचारकर्मीके भी सूचना
उपलब्ध नकरारहल गुनासो बढल हए । सूचनापर सर्वसाधारणके अधिकार होएलाके कारण अति गोप्य
विषय छोडके आ सूचना चुहावट होएलापर अनुसन्धानपर असर परेबाला विषयके छोडके अन्य घटनाके
विषयमे भी इलाका प्रहरी कार्यालयसे सूचना माग कएलापर जिला प्रहरी कार्यालय गौरमे सम्पर्क
करेला कहते आएल आरोप संचारकर्मी आ सर्वसाधारणके रहल हए ।
बेटी
बचाओ बेटी पढाओ अभियान सम्बन्धी दू दिनहा कार्यक्रम सम्पन्न
रौतहटके
गरुडा नगरपालिकामे बेटी बचाओ बेटी पढाओ अभियान सम्बन्धी दू दिनहा तालिम सम्पन्न भेल
हए । नेपाल भारत मैत्री वीरांगना फाउन्डेसन काठमान्डु आ भारतीय महावाणिज्य दूताबास
वीरगंजके संयुक्त आयोजनामे भेल कार्यक्रममे गरुडा नगरपालिकाके विभिन्न वार्डसे ३६ जने
महिलाके सहभागिता रहल रहे । सहभागी सभीके रेणुकुमारी गुप्ता, दिनेश देहाती, सरितादेवी
लगायतके लोग प्रशिक्षण देले छत । कार्यक्रमके अध्यक्षता वीरांगना फाउन्डेसनके अध्यक्ष
प्रभा सिंह कएले रहलन ।
वृन्दावनके
बहुअरीमे एम्बुलेन्स भी जाएके रास्ता नहोएलासे सर्वसाधारणके होरहल हए पीडा
रौतहटके
वृन्दावन नगरपालिकाके एगो गाओमे अभी भी एमबुलेन्स जाएके रास्ता नहोएलासे सर्वसाधारण
अत्यन्त पीडित बनल हए । वृन्दावन नगरपालिकाके वार्ड नम्बर ८ बहुअरीमे वर्षातके समयमे
केनहुसे एम्बुलेन्स जाएके रास्ता नहोएलासे सर्वसाधारण पीडित बनल हए । गाँओ जाएबाला
रास्ता कादोसे भरलासे मरिजके बाहर लेजाएमे बहुत समस्या होरहल हए । बहुअरीके बिगन पासवानके
बेटा बालकिशोर पासवान आ पुतोह सोनापति देवी पासवान एकसाथ बेमारी परलापर इलाजके लेल
बोलाबलगेल एम्बुलेन्स गाँओसे डेढ किलोमिटर अलगे ही रहेके बाध्य भेल देखलगेल हए । दुनुजनेके
अवस्था गम्भीर होएलाके बाद दुनु मरिजके कान्हपर बोकके करिब डेढ किलोमिटर पहुचएलाके
बाद भुसहा गाँओमे पहुचाके एम्बुलेन्सपर लादके इलाजके लेल बाहर पेठाबलगेल हए । स्थानीय
सरकार गठन होएलाके बाद भी एगो गाँओमे केनहुसे एम्बुलेन्सतक जाएके रास्ता नहोनाइ बहुत
दुखद पक्ष रहल स्थानीय राजेश निर्मानी जानकारी करएले छत ।
नगर
उद्योग वाणिज्य संघके कार्यक्रममे करपर भेल कर कर
रौतहटके
गरुडा नगर उद्योग वाणिज्य संघके प्रथम साधारण सभामे करपर खुब बहस चलल हए । कर कार्यालय,
गुणस्तर विभाग तथा भ्याट कार्यालय लगायतके कौनो भी कार्यालयसे कौनो टोली अएलापर गरुडाके
सभी दोकान बन्द होएके प्रवृत्तिपर विभिन्न वक्तालोग प्रकाश पारले हए । करके दायरामे
रहके कारोबार कएलापर आ सिस्टमके आधारपर चललापर व्यावसायीके ही फाएदा होएलासे करसम्बन्धी
कौनो भी कार्यालयसे नडेराएला जिलाके विशिष्ट व्यावसायी नेतालोग गरुडाके व्यावसायीके
सुझाव देले छत । कारोबार करतेगेल आ सिस्टममे नगेलाके कारण कौनो भी समयमे फँसके लाखो
रुपैया जुर्माना तिरेके परगेलासे करके विषयमे सतर्क होके सिस्टममे जाके काम करेला जिलाके
प्रबुद्ध व्यावसायीलोग गरुडाके व्यावसायीके सुझाव देले छत । करसम्बन्धी कौनो कार्यालयसे
कर्मचारीके टोली अएलापर अधिकांश दोकान बन्द होगेलापर गरुडाके छबिपर नकारात्मक प्रभाव
परलाके कारण करके दायरामे आ करके सिस्टममे रहके कारोबार करेला सभी मुख्य वक्तालोग सुझाव
देले छत ।
गरुडाके
महिला सेल दूजनेके प्रदान कएले हए कपडा
इलाका
प्रहरी कार्यालय गरुडाके पछाडि रहल महिला तथा बालबालिका सेवा केन्द्र रौतहट दूजनेके
कपडा प्रदान कएले हए । मानसिक सन्तुलन ठीक नरहल एक महिला आ एकजने बालकके सेवा केन्द्रके
कर्मचारी कपडा प्रदान कएले हए । भारतके सीतामढी घर रहल कहेबाला करिब ४४ बरिसके मानसिक
सन्तुलन ठीक नरहल महिला ललाती देवी शर्मा आ करिब ८ बरिसके फेकु शर्माके अति आवश्यक
कपडा प्रदान कएलगेल सेवा केन्द्र जानकारी करएले हए ।
कोई टिप्पणी नहीं:
एक टिप्पणी भेजें